eL trAsgU d´aRecEs

Lunes, 25 de diciembre de 2006

H.OQUEI MASCULÍN SOBRE PATINES; ÚNICU PARTÍU D´UNA SELECCIÓN DEL PAÍS

La meyor forma de sofitar a la selección asturiana ye dir el miercoles a Grau y enllenar les grades

Esti miércoles 27 d´avientu va cellebrase en Grau l´únicu partíu d´una selección asturiana nesti añu; un partíu d´H.oquei masculín sobre patines contra la selección de Suiza. La cita ye a les 20.00 nel polideportivu de la villa moscona. El mesmu miercoles van cumplise cuatro años del debut d´esta selección contra Portugal nel Palaciu de los Deportes d´Uviéu, el resultáu foi un 3-4 favoratible a los lusos.

Otra vuelta más los asturianos quedamos ensin partíu de fútbol y yá van 3 dende que la nuesa selección xugara n´Avilés contra Honduras, ye de reseñar que Tele Tini nun va tresmitir el partíu, lo que si va facer en sofitu de la música asturiana ye emitir un conciertu de Melendi tres les campanaes de fin d´añu dende Sariegu como´l so primer programa del añu. Onde si vamos poder oyir la tresmisión del partíu, amás de facelu n´asturianu, ye n´Onda Peñes (107.7 FM) y Radio Sele (106.1 FM). Una vegada fináu´l partíu tentaremos ser los primeros n´apurrivos el resultáu del partíu (si Bitacoras.com furrula bien, que lleven un añu...).
¡¡¡PUXA LA SELECCIÓN ASTURIANA!!!

Esbilla de noticies sobre la hestoria de la selección de fútbol "moderna";

Camiseta nueva pa la selección
Hai partíu de xuro
El 29 hai partíu
Apañu con Lituania
Partíu ciguáu
Asturies entero al fútbol
Ún y gracies
Problemes de perres pal partíu de la Selección Asturiana de Fútbol
La Selección d'Asturies xuega'l 28
La selección asturiana de fútbol nun va xugar esti añu

Actualización; A la fin Tele Tini va tresmitir el partíu en direutu a les 19.55. Ye de reseñar que de los tres medios que van emitir el partíu la televisión pública d´Asturies ye la única que va facelu en castellán.

Por: eL trAsgU d´aRecEs | Deportes | Comentarios (0) | Referencias (0)