eL trAsgU d´aRecEs

Miércoles, 27 de diciembre de 2006

22 AÑOS ENSIN ANDRÉS SOLAR

Andrés Solar Santurio. Deva (Xixón) 1955-1984

NOSOTROS
qu´enterramos la vida
debaxo d´una nueche
ensin puertes nin ventanes.

Nosotros:
que llapáramos
les flores que guañaben mosties
de la boca de los muertos.

Nosotros:
que col vientu
fixemos palombes
que nunca dexaron esnalar.

Nosotros;
tamos equí
pa falavos a los que col vuesu rixu
güei
tais surdiendo pente´l nuesu cansanciu.

Tamos equí
pa cuntavos coses d´ente les coses
y que nun vos acoriquen
ente ruxideros de neutrones
y caldiellos de napalm.

Tamos equí:
pa cenciellamente davos un besu
y dexavos na boca
el ñiciu d´esti poema
que nosotros nun vamos ser quien a terminar.

Por: eL trAsgU d´aRecEs | Lliteratura | Comentarios (0) | Referencias (0)