Acerca de
Búsqueda
Categorías
Archivos
Sindicación
Créditos
Diseñado por Studio.st
Online gracias a Bitacoras.com
Miércoles, 27 de diciembre de 2006
¡¡¡ASTURIES CAMPEONA!!!
La nuesa selección d´H.oquei fai sudar a la subcampeona d´Europa
ASTURIES 3-2 SUIZA 
ASTURIES; porteros Israel y Adrián (dambos del Areces-L5); defenses-medios José Abella (Areces-L5), Keko (Esfer Oviedo), Estanis (Maçanet) y Javi Sama (Patín Vigo); y los delanteros Esteban Guerra (Esfer Oviedo), Toni Sánchez (Reus Deportivo), Diego Raigoso (Areces-L5) y Mario Cuervo (Esfer Oviedo), toos ellos baxo les ordenes de Benchi Garrote y Miguel Navajas.
SUIZA; Guillaume Oberson, Simon von Allmen, Marc Solloz, Gael Jiménez, Matthieu Brentini, Kilian Lauenberger, Roff Luthi, Federico García Méndez, Manuel von Allmen y Langenegger Roman. El so responsable téunicu ye´l portugués Pedro Antunes.
Árbitru; l´asturianu Alberto Garrote
GOLES D´ASTURIES
1: Esteban Guerra nel minutu 12,5 del primer tiempu.
2: Keko nel minutu 33 del primer tiempu.
3: Estanis nel minutu 38 del segundu tiempu.
GOLES DE SUIZA
Los dos goles foron de Mattheieu Brentini, capitán de los suizos, el primeru nel minutu 31 del primer tiempu de penalti y el segundu nel minutu 36 del primer tiempu.
Lo meyor ensin dulda´l porteru de la nuesa selección cola mano nel corazón demientres sonaba´l himnu d´Asturies. Lo peor que´l Presidente del Principáu nun tuviera presente como si lu tán los demas presidentes autonómicos nos partios de les sos "selecciones autonómiques", esto nun pueo aseguralo pero atreveriame a dicir que nun había dengún miembru del Principáu, nin el responsable de la direción xeneral de deportes, nidia amuesa del total despreciu del gobiernu d´esti país por tolo que puea meyorar la nuesa identidá como pueblu. Eso si, naide los echo en falta. Y felicidaes a Radio Sele y Onda Peñes pola so tresmisión conxunta (a pesar de dellos problemes téunicos xustificables pola modestia de les dos cadenes), de xuru que fomos munchos los que punximos a 0 el volumen de la televisión y siguimos el partíu coles imaxines de Tele Tini y el soníu de la radio.
Por: eL trAsgU d´aRecEs | Deportes | Comentarios (3) | Referencias (0)
Comentarios
Tienes unu de los meyores blogs del asturianismu, actualices cada poco y con munchu aciertu. Pero nun tienes nengún enllaz d'otros blogs en llingua asturiana, como pasa en casi toos los demás, qu'intenten sofitase ente sí. ¿ésto, por qué ye?
Antón | 28-12-2006 00:04:22
Pues porque nun tengo nin idea de como facelu, sé qu´hai dalgún xeitu de facelu pero nun soi a ello. Si tienes el vezu de lleer esti blog pues ver que dacuando voi poniendo anotaciones colos blogs nuevos que van saliendo, esti ye l´últimu; http://lonueso.bitacoras.com/archivos/2006/11/25/d... y hasta tengo anotaciones con blogs n´asturianu del otru llau del Cordal (http://lonueso.bitacoras.com/archivos/2006/09/24/p...).
Dende llueu nun ye por que nun quiera ye que namás que sé ponelos nes propies noticies. Salú y gracies pol "piropu".
el trasgu d´Areces | 28-12-2006 00:27:19
d | 17-12-2007 21:01:16
Comentar