eL trAsgU d´aRecEs

Jueves, 28 de diciembre de 2006

ARECES VA ENSEÑAR ASTURIANU NA TPA

La noticia foi dada a conocer ayeri nuna rueda de prensa en Sariegu onde´l direutor de la RTPA presento´l dispositivu del ente públicu pa la tresmisión de les campanaes de fin d´añu dende la llocalidá. Ornia faló tamién de los nuevos proyeutos del canal. Ente ellos destaca un programa selmanal pa deprender asturianu de 15 mínutos, pero la principal novedá del programa ye que va tar presentáu pol propiu presidente del Principáu, que según Ornia pidió-y personalmente presentar´l programa pa sensibilizar a la población sobre la necesidá de deprender asturianu pa qu´esta llingua nun muerra. Nel programa va haber delles seiciones nes que´l públicu va poner en práutica´l so conocimientu del pallabreru o el refraneru ástur, asina como tornes de frases del castellán al asturianu. El programa va ser producíu pola Oficina de Política Llingüítica y cuntar col asesoramientu de l´ALLA. La Xunta pola Defensa de la Llingua calificó esta midida a traviés d´un comunicáu como electoralista y llaváu de cara pal gobiernu d´Areces a cinco meses de les elleiciones. Pela so parte´l PP acusó a Areces de querer ser como Hugo Chavez y tener el so propiu programa pa facer propaganda de los sos “grandes llogros”, Joaquín Arestegui, portavoz del PP na Xunta Xeneral, afitó qu´asina Areces da-yos la razón al quedar bien nidiu que la RTPA namás que ye un mediu pa facer propaganda socialista. Pela so parte la diputada d´IU-BA Noemí Martín dixó que´l so grupu amosábase gratificáu pola entrada de contenios n´asturianu na TPA y por que seya´l propiu presidente quien vaya presentalos, yá que según la diputada ver al presidente falar asturianu na televisión ye una perimportante midida pa la normalización social del idioma. Sicasí Martín dixó que quiciabes too quede en papel moyáu y namás que seya una estratexa de la direición de la TPA y del propiu presidente pa ganar audiencia ante los baxos datos de share del mediu y la midida nun tenga un verdaderu enfotu normalizador.

Por: eL trAsgU d´aRecEs | Humor | Comentarios (0) | Referencias (0)